來自新Logo、Banner設計師的信：
大家好，我係平民遊戲嘅阿雪！
城～～～～～～～
講吓笑啫😂
我係雪城瓏月，一位業餘網絡創作者
一個追左平民好耐嘅老粉，
亦係聊天室嘅人肉nightbot，(之一 by 雪)
經過阿翔之亂之後，
突然就多左「雪城」呢個名份。
講到底，我都只不過係一個觀眾。
為左報答阿雪年中幫我地慳唔少，
今次，又係以另一種方式嚟課金。
我相信，並唔係個個都有能力去課金，
你都未必好似我咁識畫吓嘢，
但你嘅讚好丶留言同分享
其實就係課金以外最實質嘅支持，
儘管係口頭宣傳，都有力量幫到平民，
「阿雪以肝濟萬人，整片難求有覺瞓」
咁有意義嘅事，
都要有你嘅支持先行到落去，
多你一個就唔少㗎喇。
雪城作為一介平民，一定同大家，
同阿雪一齊共渡時艱，齊上齊落，
堅持到底，貫徹始終。
雪城瓏月 上
#拿我無叫佢咁hardsell
#開始覺得平民遊戲工作室
#係全部真香港人一齊創造嘅工作室
Search